A Festa da Istoria conta coa súa propia app, desenvolvida pola empresa do sector das Tecnoloxías da Información e a Comunicación Balidea. Xa podes descargala desde Google Play ou APP Store.
Con esta APP poderase identificar que actividades, que artistas ou que espectáculos están tendo lugar en tempo real, facilitando a localización no espazo a través do Mapa da Istoria que permite identificar cada actividade dentro do barrio xudeu de Ribadavia, permitindo o trazado de rutas para chegar ou o filtrado segundo as actividades que interesen. Ademais, dentro deste mapa virtual pódese consultar os distintos postos de artesanía e comida, os bancos, os monumentos, os baños etc.
Na app móstrase tamén todo o conxunto da programación a través dunha liña de tempo, así como un apartado de axenda onde se recollen as actividades levadas a cabo durante todo o ano, máis alá da fin de semana festiva.
A través da app accederemos unha serie de recomendacións e disporemos de toda a información relacionada coa localización de aparcamentos, a información das liñas de buses gratuítas e as paradas que se levarán a cabo para evitar as aglomeracións de tráfico na vila.
En caso de xurdir algún tipo de emerxencia desde a app localizarase de maneira rápida e sinxela todos os postos de emerxencia, tanto sanitarios como de seguridade existentes no recinto.
É unha aplicación gratuíta. Descárgaa xa!