Xadrez

previous arrow
next arrow
Slider

Un xogo tan coñecido e divulgado na época medieval –lembremos o Libro de Xadrez, dados e táboas (1283) de Alfonso X O sabio- tiña que ter cabida na Istoria e ser unha actividade particularmente coidada polos organizadores da Festa.

Sobre un gran taboleiro (12 x 12 metros) pintado sobre a pedra do escenario do Auditorio do Castelo xógase unha partida curta entre dous contrincantes.

As pezas brancas e negras son representadas por nenos e nenas, voluntarios de entre 5 e 10 anos, tocados cunha carapucha da súa cor que representa a cada peza.

As pezas loitan con espadas de madeira e os que van morrendo son sacados do taboleiro nunhas angarellas de madeira.

É unha actividade moi vistosa e permite a participación voluntaria dos máis pequenos no desenvolvemento da Festa.